Reedítase en fala’l llibru ‘Nosoutras, en femenino y singular’

La Fundación Parque Histórico del Navia reedita nuna edición billingüe’l llibru ‘Nosoutras, en femenino y singular. 9 vidas. Muyeres nel Navia-Porcía’. Esta obra asoleyóse namái en castellanu en payares del 2010.
 
Nesa fecha, “el Axencia d’Igualdá d’Oportunidades da Fundación Parque Histórico del Navia editóu un llibro que resume as vidas de 9 muyeres destacadas dos conceyos que son parte del Parque Histórico del Navia”, qu’agora los habitantes de la zona y tolos asturianos van poder disfrutar tamién en gallego-asturiano gracies al trabayu de la Oficina Cultural y Llingüística da Fundación Parque Histórico del Navia y a la financiación de la Conseyería de Cultura y Deporte.
 
La presentación de la reedición d’esta obra va tener llugar esti xueves, a les 11 hores, na sede de la Fundación nun actu nel que van tar presentes Iván Iglesias Fernández, téunicu de la Oficina Cultural y Llingüística del Parque Histórico del Navia, y Vanesa Allonca Magadán, axente d’Igualdá d’Oportunidaes del Parque Histórico del Navia.