El sueldu mensual mínimu d’un diputáu de la Xunta Xeneral con dedicación absoluta ye de 3.656 euros

Los diputaos de la Xunta Xeneral con dedicación absoluta, esto ye, la gran mayoría de los 45 de la Cámara, tienen un sueldu mensual mínimu de 3.655,9 euros y dos pagues del 70 por cientu. El presidente, Fernando Goñi, cobra 4.898,58 euros.

Según confirmaron fontes parllamentaries, ési ye’l réxime vixente d’asignaciones no que se refier al capítulu de percepciones de los diputaos, que lleva "conxeláu" dos años. D’esi sueldo mensual de los parllamentarios, 933,7 euros son en conceutu de manutención y estancia. A estes cantidaes hai que sumar, a parte, el quilometraxe, a razón de 18 céntimos el quilómetru.

Nel casu d’aquellos que nun tengan dedicación absoluta, esto ye, que perciben dineru d’una profesión qu’exerzan, el sueldu por ser diputáu sería de 1.825 euros –891,7 euros más los 933,74 euros en concepto de gastos de manutención y estancia–. También habría que sumar el quilometraxe y les dos pagues estraordinaries del 70 por cientu de la mensualidá, en xunu y avientu.

Polo que se refier al presidente de la Xunta Xeneral, el popular Fernando Goñi, el so sueldu asciende a 4.898,58 euros –incluyíos los 933,7 euros de la manutención y estancia–, y percibe amás dos pagues estraordinaries por importe del 70 por cientu d’esa cantidá y quilometraxe. Los miembros de la Mesa tamién perciben cantidaes mayores que’l restu d diputaos. Asina, los miembros con dedicación absoluta tienen una asignación que ta estipulada en 4.340,48 euros al mes; si nun la tienen, esta cantidá baxaría hasta 3.229,33 euros. Nos dos casos inclúinse los 933,7 euros de manutención y estancia. Tamién disponen de dos pagues y ingresos por quilometraxe.

Nel casu de los voceros titulares y primeros suplentes de cada grupu, lo sos sueldos son idénticos a los miembros de la Mesa, tanto nel caso de que tengan dedicación absoluta como que nun la tengan –4.340,48 y 3.229,33 euros, de manera respeutiva–. Tamién cobren los gastos de locomoción y tienen les dos pagues estraordinaries. Los políticos que cumplen anguaño esta función son José Antonio Martínez (FAC), Fernando Lastra (PSOE), Isabel Pérez-Espinosa (PP) y Jesús Iglesias (IX-LV).