El Plenu d’Investidura va adelantase al llunes 19 d’avientu

El Plenu d’Investidura del presidente del Estáu va adelantase al 19 d’avientu, según anunció esti xueves la secretaria xeneral del PP, María Dolores de Cospedal. D’esta forma, Mariano Rajoy garraría la presidencia’l día 21.
 
De Cospedal confirmó esti calendariu tres la xunta celebrada na sede popular de la madrilana cai Génova colos ‘barones' del partíu. Asina, el 19 y 20 d’esti mes van tener llugar el Plenu d’Investidura, el 21 va ser proclamáu’l presidente del Estáu y el 22 anunciaráse les persones que van conformar el restu del Executivu. El primer Conseyu de Ministros será’l 23 d'avientu y, con toda probabilidá, celebraráse un segundu'l 30.
 
La mayoría absoluta del Partido Popular (PP), al algamar 186 diputaos, permitirá a Mariano Rajoy acceder a la presidencia del Estáu tres trés intentos. Les cuatro prioridaes del gallegu nesta llexislatura, según espuso a los sos compañeros de partíu, son la reforma llaboral, el control el déficit públicu y los problemas financieros, y el futuru d’Europa.