Del Riego va presentar esti xueves un proyeutu de presupuestos pal 2012

El conseyeru de Facienda y Sector Públicu, Ramón del Riego, va presentar esti xueves al Conseyu de Gobiernu un proyeutu de presupuestos pal 2012. Francisco Álvarez-Cascos condicionólos a conocer l’aición del Executivu estatal.
 
José Manuel Rivero, conseyeru d’Economía y Emplegu, dio l’anuncia d’esti avance güei nuna rueda prensa posterior a la xunta de siguimientu del acuerdu de concertación social, lo que da pie a pensar en que FAC tenga decidió ellaborar unos presupuestos pal añu qu’entra, refugando asina una prórroga de los actuales. Esta decisión del Executivu llega depués de que'l presidente de qu’Álvarez Cascos, presidente del país, condicionara ayeri’l diseñu de les cuentes nacionales al llogru d'información sobre los escenarios futuros per parte del Gobiernu estatal.
 
Fontes de l’Alministración asturiana consultaes por Europa Press nun quixeron avanzar datos sobre la propuesta de Del Riego, mentes que Rivero llendóse a precisar que "cuando haya dalgo qu'anunciar sobre presupuestos va facelo'l conseyeru de Facienda". "Nun me correspuende a mi facer nenguna mención al respeuto", atayó.