El Partido Popular gana con mayoría absoluta tres algamar el resultáu meyor de la so historia

Col 99,63 por cientu de los votos contabilizaos, el PP sumaría’l meyor resultáu de la so historia al rexistrar un 44,60 por cientu de los votos. El PSOE algamaría’l 28,73, mentes qu'IX llograría un bon resultáu al conseguir 11 diputaos; Amaiur, 7; y UPyD, 5.
 
D’esta forma, el Partido Popular (PP) tendría mayoría absoluta con 186 diputaos, trés más que nel añu 2000, cuando José María Aznar ganó les eleiciones. Mentes, el PSOE perdería 59 al pasar en trés años de 169 a 110. El tercer partíu con mayor representación sería CiU, con 16 escaños, seis más que nes xenerales últimes.
 
Tamién tendríen representación, Izquierda Xunida (11 parllamentarios), Amaiur (7), UPyD (5), EAJ-PNV (5), Esquerra (3), BNG (2), CC-NC-PNC (2), Compromís-Equo (1), Foro de Ciudadanos (1) y Geroa Bai (1). D’esta forma, per primer vez na historia de la democracia, un partíu asturianu tendría representación nel Congresu.