Xeira anuncia la convocatoria del XXI Premio de Narracióis Curtias

L’Asociación Cultural Xeira ta acabante d’anunciar la convocatoria del XXI Premio de Narracióis Curtias. Esti concursu lliterariu ye’l más veteranu de los que se faen en gallego-asturiano y tien una recompensa de 600 euros.
 
A esti gallardón pueden optar toles persones que presenten trabayos en prosa de temática llibre, escritos en gallego-asturiano según les normes ortográfiques aprobaes nel 2007, enantes del 23 de payares. Éstos han de mandase, por cuadriplicao y con plica, a la direición postal siguiente: Asociación Cultural Xeria, apartáu de correos númberu 5 d’A Caridá (El Franco).
 
El Premio de Narracióis Curtias tien como oxetivu “promocionar el uso lliterario del gallego-asturiano como úa das condicióis necesarias pá súa dignificación y normalización”, según esplica la organización. Ente los ganadores d’esti concursu n’años pasaos destaquen nomes como los de Manolo Galano, Alejandro Antúñez, Jacinto Díaz, Fredo de Carbexe, Rafael Cascudo, Xaviel Vilareyo, María José Fraga, Aurora García Rivas, Alfredo de Ponticella, Marisa López Diz o Miguel Monteavaro. La franquía Alba González Fernández foi la ganadora última gracies a la narración ‘Hiperhidrosis’.