Radio Sele va tresmitir en direutu dende Udin el Liet International

9 Payares, 2011 por Pablo R. Guardado

Inicie sesión o rexístrese pa espublizar comentarios

El sábadu 19, a partir de les 19 hores, va tener llugar n’Udin (Friûl) el Liet International, festival de canciones en llingües minorizaes. Asturies va tar representada por Skama la Rede y la gala va poder sentise en direutu al traviés de Radio Sele.

D’esta forma, la emisora única qu’emite tola so programación dafechu n’asturianu torna a desplazase colos representantes del país nel festival cola fin de llevar a tolos asturianos y simpatizantes del Liet International –al traviés de la rede– les actuaciones de los 12 competidores y el resultáu de les votaciones. Dende Radio Sele tán trabayando pa conseguir dar con un sitiu afayadizu pa instalar la antena nueva enantes de la fecha de la gala y poder emitir el certame de canciones en llingües minorizaes pel 106.1 del FM, anque, según confirmen, ye posible que nun lleguen a tiempu. Nesi casu, el festival namái podría sentise pela web.

Nesta edición del festival, que se desplaza al norte del Estáu italianau, el representante asturianu va ser Skama la Rede tres llevase’l el Premiu al Meyor Cantar el mes de febreru pasáu gracies al tema ‘Condenáu’, con lletra del periodista David Artime. Asturies va ser l’únicu país del Estáu con representación en Friûl xunto con Euskadi, que presenta a la banda de rock Siroka.