Easy Jet va poner en marcha n’abril cuatro frecuencies selmanales ente Asturies y Lisboa

Cola llegada de la temporada de branu, Easy Jet va poner en marcha cuatro frecuencies selmanales ente Asturies y Lisboa. La compañía británica va establecer la so vixesimotercer base nel aeropuertu de la capital portuguesa.
 
La ruta nueva va inaugurase’l 18 d’abril, miércoles, anque los vuelos van salir los domingos, martes, xueves y sábados de cada selmana. A partir del 10 de payares, la compañía va poner a la venta los billetes pa esta conexón que se xune a les de Londres-Stansted y Xinebra, que veníen funcionando na temporada de vuelos de branu.
 
D’esta forma, Easy Jet incorpora una tercer conexón al aeropuertu, prometida cuando entamó a furrular n’Asturies, y refuerza’l serviciu en Lisboa. Amás del vuelu a Santiagu’l Monte, va establecer rutes dende l’aeródromu lisboeta con Copenhague, Amsterdam, Burdeos y Venecia que se sumen a les 16 qu’opera anguaño.