El Bloque por Asturies solidarízase coles families de los cooperantes secuestraos en Tinduf

El sábadu pasáu, la madrilana Ainhoa Fernández, el mallorquín Enric Gonyalons y la italiana Rosella Uru foron secuestraos en Tinduf presuntamente por Al Aqmi. El Bloque por Asturies amosó la so solidaridá coles familiaes d’estos cooperantes.
 
La formación nacionalista reiteró nun comunicáu la so "confianza absoluta" nes autoridaes de la República Árabe Saḥaraui Democrática (RASD) y apoyó las midíes adoptaes pa la resolución d’esti casu "nel que’l responsable únicu ye’l grupu criminal que fixo esti secuestru". Según el Bloque, esti fechu nun fai más que poner de manifiestu la necesidá d’una aición política y diplomática más decidida pa poner fin a la situación de "inxusticia" que sufre’l pueblu saḥaraui.
 
El Bloque tamién esixó al Gobiernu estatal una cooperación "activa y real" coles autoridaes del Frente Polisariu pa la resolución inmediata del secuestru y criticó les declaraciones y l’actitú de la ministra Trinidad Jiménez "poniendo en dulda la veracidá de les informaciones qu’apunten a la banda d’Al Aqmi, l’Al Qaeda magrebí ubicáu en Mali, hacia onde escaparon los secuestradores". Por último, dende la formación nacionalista señalen que tampoco escaecen a les dos cooperantes de Médicos sin Fronteras secuestraes en Somalia y treslladen tamién a les familias la so solidaridá.