Polonia ratifica la Carta Europea de Llingües Minoritaries

Polonia acaba de convertise nel venticuatru estáu européu que ratifica la Carta Europea de Llingües Minoritaries o Rexonales, una Carta qu’en teoría obliga a los Estaos a protexer les sos llingües minoritaries. Nesta ratificación Polonia reconoz un total de 15 idiomes y asume la obligación de protexelos.

L’estáu polacu reconoz la existencia de 15 minoríes llingüístiques nel so territoriu. Estos idiomes tan clasificaos de la siguiente manera: Casubo (“Llingua rexonal”); Bielorrusu, checu, hebréu, yiddish, llituanu, alemán, armeniu, rusu, eslovacu y ucranianu (“Llingües de minoríes nacionales”); Karaim, lemko, romaní y tártaru (“Llingües de minoríes étniques”). Sicasí, les mencionaes hebréu, yiddish, karaim, armeniu y romaní tienen un estatus asimesmo de “Llingües non-territoriales”.

La Carta aprobóse nel añu 1992 baxo les directrices del Conseyu d'Europa, un organismu internacional del que formen parte 47 Estaos europeos de los que 24 yá la firmaren y ratificaren. Falten por ratificala Estaos con importantes minoríes llingüístiques como Francia, Rusia o Italia. Nel casu de Polonia la Carta va entrar en vigor el 1 de xunu d’esti añu. Hai que conseñar que les autoridaes polaques asitien les sos llingües minoritaries nel tercer nivel, esto ye, na máxima protección.