La costa asturiana y gallega, n’alerta mariella por vientos fuertes

L’Axencia Estatal de Meteoroloxía (Aemet) decretó l’alerta mariella na costa asturiana y gallega por vientos fuertes. Éstos van notase a partir de les 18 hores del llunes y, nun principio, van durar hasta les 15 hores del martes.
 
Esta indicación de l’Aemet alerta de la esistencia de riesgu na costa d’Asturies y de les trés provincies con mar de Galicia: Pontevedra, A Coruña y Lugo. Mentes, el restu de los territorios del Estáu van sufrir tamién raches d’aire fuertes, anque non al nivel del noroeste de la Península, onde’l vientu va provocar oleaxe.
 
Otra manera, la xornada va ser güei soleada n’Asturies, anque pa mañana pela tarde podríen tornar los cielos nublaos. Les temperatures van tar ente los 12 de mínima de Cangas del Narcea y los 26 de máxima d’Uviéu.