Villaviciosa celebra esti sábadu la XIV Fiesta de la Sidra

La cita anual de Villaviciosa cola sidra natural va tener llugar esti sábadu na plaza’l Güevu. Manuel Preciado va ser el pregoneru d’una folixa qu’atrae a la villa a cientos de persones pa disfrutar de la bébora tradicional del país.
 
L’actividá d’esta folixa sidrera va principiar al meudía cola llectura del pregón por parte del entrenador del Sporting y l’escanciáu de los primeros culinos, pa llueu dar pasu a la preba de baldre de la sidra de los llagares participantes nel festival, momentu nel que va actuar nel llugar la Banda Gaites Villaviciosa-El Gaiteru. L’horariu pa disfrutar de los culinos va allargase de 12 a 14 hores, y de 18 a 20 hores.
 
Pa les 13 hores ta prevista la entrega del premiu ‘Etiqueta más guapina 2011’, qu’entrega el grupu Sidrastur y, yá de tarde, a les 17.30 hores, va tener llugar el Concursu d’Escanciadores, puntuable pal Campeonatu d’Asturies, espectáculo onde los meyores echadores de sidra del país amuesen la so maestría escanciando. L’amenización musical na sesión vespertina de la preba de sidra correr a cargu del Cuarteto Martínez Torner (19.30 hores), mentes que’l fin de fiesta ta previsto pa les 21 hores.