La III ‘Vuelta al cole solidaria’ va celebrase esta fin de selmana

La Cruz Bermeya, en collaboración cola la Fundación Solidaridad Carrefour, entama n’Asturies la III ‘Vuelta al cole solidaria’. L’oxetivu ye recoyer material escolar pa les families asturianes más necesitaes.
 
Los hipermercaos Carrefour Azabache, La Calzada, Los Fresnos, Los Prados y Parque Astur van instalar una mesa’l vienres y el sábadu, atendida polos voluntarios de la Cruz Bermeya, onde los ciudadanos que quieran participar nesta iniciativa solidaria pueden llevar cualquer tipu de material escolar nuevo: llápices, bolígrafos, cuadernos, rotuladores… Al total de material recoyíu nestes dos xornaes nos cinco establecimientos asturianos hai que sumar lo que done Carrefour, que se compromete a igualar esa mesma cantidá, doblando asina’l material que la Cruz Bermeya va repartir ente menores en situación de vulnerabilidá.
 
L’añu pasáu, a nivel estatal, beneficiáronse d’esta iniciativa más de 7.100 neños y neñes, que recibieron material escolar por 220.878 euros.