UCE-Asturies alerta de que más de 3.600 families perdieron la so vivienda y siguen pagando

Dacio Alonso, presidente d’UCE-Asturies, alvirtió esti vienres que más de 3.600 families perdieron la so vivienda dende la llegada de la crisis y continúen pagando la so hipoteca. Reclama una modificación de la Llei Hipotecaria.
 
Estes cifres que manexa la Unión de Consumidores d’Asturies (UCE-Asturies) son dende la llegada de la crisis económica, que llevó a munches families a nun poder afrontar el coste de la so vivienda, polo que’l bancu procedió a embargala. Éstes son persones que “siguen con una condena de por vida pagando’l so creitu hipotecariu”, denuncia Alonso, que señaló que los bancos executaben les hipoteques, quedándose cola vivienda, pagando namái’l 50 por cientu del valor de tasación y condenando a les families a pagar el creitu.
 
Dende UCE-Asturies reclamen al Gobiernu estatal una modificación de la Llei Hipotecaria pa que cola entrega de la vivienda quede resuelta la deuda, al igual que pasa n’otros países. Por ello, los consumidores remitieron a los 78 conceyos una Propuesta de Moción pa que se debatiera y aprobase nos Plenos municipales, esixiendo al Gobiernu del Estáu esti cambiu. Según informó Alonso, depués d’unviar a toles formaciones polítiques asturianes la iniciativa pa incorporar la figura xurídica de la ‘Dación en pagu’, namái Foro Asturias Ciudadano (FAC) asumió esixir al Gobiernu estatal esta modificación.
 
D’igual forma, los consumidores tamién piden l’aprobación d’una moratoria o implementar les midíes necesaries pa paralizar los embargos a families en situación d’insolvencia sobrevenía y involuntaria.