La Confederación Hidrográfica abre un espediente al Conceyu d’Avilés por los vertíos al riu Arlós

El Coleutivu Ecoloxista d’Avilés ta acabante de recibir l’anuncia de la Confederación Hidrógrafica del Cantábricu de l’aniciu d’un espediente sancionador al Conceyu d’Avilés por vertíos nel ríu Arlós. L’asociación denunció esta situación en xunu.
 
Los vecinos de la zona alertaron a los ecoloxistes de los vertíos continuos d’agües residuales al río Arlós, a l’altura del primer númberu de la cai La Vega, nel barriu de Villalegre, lo que llevó al Coleutivu a denunciar la situación ante la Confederación Hidrográfica. Dos meses y mediu depués, l’organismu anució l’aniciu del espediente sancionador al Conceyu d’Avilés por permitir esta situación per delles selmanes. “Esperemos qu’estes sanciones faigan reaccionar de manera más rápida al Ayuntamientu ante estos episodios contaminantes”, señalaron dende l’asociación.
 
“Hai que recordar que’l Conceyu d’Avilés permitió estos vertíos al ríu per selmanes y nun foi hasta que lo denunciamos cuando actuaron, procediendo meses depués a una solución definitiva, que nun ye otra que’l cambiu del colector dañáu que rebosaba agües residuales cada vegada que llovía”, destacaron los ecoloxistes. Dende esta asociación avilesina señalaron qu’estos vertíos, de continuar, “pondríen en peligru la recuperación de la fauna d’un ríu que taba aumentando la so vida piscícola”.