Bloque por Asturies-UNA refuga’l copagu sanitariu y la devolución de competencies

Pablo Fernández, secretariu d’organización de Bloque por Asturies-UNA, señaló que la so formación refuga’l copagu sanitariu y la devolución de competencies. Entiende que son “midíes retrógades, de dereches”.
 
En declaraciones a Europa Press, Fernández cuestionó dambas posibilidaes al entender que “nun van a ayudar a resolver nengún problema”, sinón que persigue beneficiar a les empreses privaes que “deseen meter el diente en sanidá y n’educación”. Amás, aseguró que dambes aplicáronse na Comunidas de Madrid pol Gobiernu d’Esperanza Aguirre con resultados “bastante decepcionantes”.
 
“Creemos que l’alternativa a les polítiques económiques de dereches que’l PSOE aplicó n’Asturies nun pueden ser más polítiques de dereches, sinón midides d’izquierda que tán por estrenar”, señaló Fernández. “El verdaderu lema de FAC ye a más derecha, menos Asturies”, criticó darréu. Por último, Bloque por Asturies-Unidá Nacionalista Asturiana (UNA) propunxo desarrollar una fiscalidá “solidaria y responsable” de ciudadanos y poderes, que permita equilibrar les necesidaes de toos y garantizar los servicios.