El nomamientu d’Álvarez Menéndez presta al 53 por cientu de los llectores d'Asturies.com

Los llectores d’Asturies.com que votaron nel nuesu ‘Conceyu Abiertu’ tán satisfechos col nomamientu d’Alfredo Ignacio Álvarez Menéndez como direutor xeneral de Política Llingüística. El 53 por cientu escoyeron la opción ‘Gústame’
 
Mentes, el 20 por cientu señaló que nun-y prestaba y el 27 por cientu decidió acoyese al ‘Dame igual’. Estos datos amuesen la esperanza que tienen los nuesos usuarios nel equipu del que va depender les polítiques llingüístiques nos cuatro años próximos, puesto que’l nomamientu d’Emilio Marcos Vallaure gustó al 82 por cientu de los llectores d’Asturies según los resultaos de l’anterior ‘Conceyu Abiertu’. Naquella encuesta, el porcentaxe de persones a los que nun-y prestaba’l conseyeru de Cultura y Deporte nuevu yera de namái’l 5 por cientu.
 
Dende estos momentos, yá pue votase nun tema nuevu en ‘Conceyu Abiertu’. Nesta ocasión entrugamos a los nuesos llectores qué opinen sobre l’adelantu eleutoral de les xenerales a esti añu.