La campaña "Doi la cara pola Oficialidá" llega esti domingu a Uviéu

Esti domingu 22 de febreru a les 12:00 el Conceyu Abiertu pola Oficialidá va asitiar un puestu na Plaza del Ayuntamientu d'Uviéu pa que les persones que quieran sofitar esta campaña pueden retratase. Amás van proyectase los videos y semeyes de delles personalidaes que tamién apoyen esta campaña como Hevia, Victor Manuel, Corín Tellado, David Villa, Samuel Sánchez o Manuel Busto, ente otros.

Ye intención del CAO “reclama-y a la ciudadanía pa que se retrate col cartel de la campaña”. Amás “los miembros del CAO van contar con una pantalla onde van proyectase munches de les más de 8.500 semeyes algamaes, que se puen ver nel web oficial de la orixinal iniciativa doilacara.net, col añedíu de la proyeición de vidios de personalidaes asturianes qu'afalen a los partios parllamentarios a que s'incluya la Oficialidá na reforma del Estatutu d'Autonomía p'Asturies”.
 
El CAO va desendolcar a lo llargo de les próximes selmanes una serie d'actos de recoyida de semeyes que van facese de mano nes principales capitales de conceyu d'Asturies.