Del Riego va pidir a Elena Salgado esplicaciones “pol tratu de non favor hacia Asturies”

Ramón del Riego, conseyeru de Facienda, va pidir esplicaciones a la ministra Elena Salgado “pol tratu de non favor hacia Asturies” respeuto a otros territorios. El miércoles va participar nel Conseyu de Política Fiscal y Financiera.
 
D’igual forma, va instar a la vicepresidenta primera del Gobiernu y ministra d’Economía y Facienda a que permita l’aplazamientu de les devoluciones acordaes ente l’Executivu anterior y el Gobiernu central al considerar que “el recorte d’inversiones planteáu pa la rexón nun obedez a nenguna decisión del Executivu asturianu nuevu”. Del Riego, que va debutar nun Conseyu de Política Fiscal y Financiera tres tomar posesión del cargu hai ocho díes, aseguró que “Asturies ta al corriente nos sos compromisos de financiación y endeudamientu adoptaos nel Conseyu”. El conseyeru de Facienda y Sector Públicu resaltó amás que’l “recorte d’inversiones na rexón obedez a una decisión esclusiva del Ministeriu d’Economía y Facienda”.
 
El Conseyu de Política Fiscal y Financiera de mañana, tovía ensin orde del día concretu, va tratar la devolución qu’han de facer les comunidaes autonómes al Estáu de 18.736 millones d’euros pola lliquidación global negativa del 2009, pagu que va poder ser aplazáu, y cómo van distribuise los 8.000 millones d’euros pal 2012 que’l Gobiernu estatal quier que se destine pa Sanidá de manera preferente.