Llanes anuncia que la XXIV Muestra de Quesos del Oriente d'Asturies va celebrase’l 7 d’agostu

El domingu 7 d’agostu ye la fecha escoyida pol Conceyu de Llanes pa celebrar la XXIV Muestra de Quesos del Oriente d’Asturies. Como cada añu, la plaza de Santa Ana va acoyer los puestos de los ellaboradores de quesu.
 
D’esta forma, les persones que s’averen a Llanes nesa xornada van poder mercar quesos de variedaes de primer nivel d’esta fastera del país, como’l de Beyos, Gamonéu, Pría, Cabrales, Vidiagu y Porrúa, ente otros. Una cita, entamada pol Conceyu de Llanes en collaboración col Gobiernu y Caxastur, qu’atrae a muncha xente a la villa.
 
Les queseríes que quieran participar na Muestra de Quesos del Oriente deben presentar los sos productos envasaos y etiquetaos col nome y la direición del participante, siendo’l mínimu de pieces qu’han de presentar de 10 pa los ellaboradores que produzan quesos con un pesu inferior a 1 quilo, y de 4 pa los que lo superen. Amás, tolos quesos tienen que tar fechos nel llugar, esto ye, na mesma esplotación.