Juaco López Álvarez, nomáu direutor xeneral de Turismu y Patrimoniu Cultural

El direutor del Pueblu d’Asturies, Juaco López Álvarez, va ocupar el cargu de direutor xeneral de Turismu y Patrimoniu Cultural. El Conseyu de Gobiernu tamién aprobó’l nomamientu de Marcos Niño como direutor xeneral de Deportes.
 
López Álvarez, nacíu en Cangas nel 1960, ye Llicenciáu en Xeografía y Historia na Universidá Complutense de Madrid y Doctor en Xeografía y Historia na Universidá d'Uviéu. Dende 1992 lleva les riendes del Muséu del Pueblu d'Asturies y ye autor de más d'una ventena de llibros y dellos d'artículos sobre patrimoniu cultural asturianu. Mentes, Niños (Santalla d'Ozcos, 1973) foi guía de Turismu de la Conseyería d'Agricultura, alcalde del Conceyu de Santalla d'Ozcos (1999-2007) pol PSOE y presidente de la Mancomunidá Ozcos-Eo (2003-2005).
 
Na reunión de güei, el Conseyu de Gobiernu tamién aprobó'l decretu de cese a pidimientu propiu de José Manuel Rivas Yáñez como presidente del Conseyu Escolar del Principáu d'Asturies.