Martínez Oblanca y Fernández, senadores pola Xunta Xeneral

La Xunta Xeneral escoyó esti miércoles a los sos dos representantes nel Senáu nel primer Plenu d’esta llexislatura. Como yera d’esperar, Isidro Martínez Oblanca (FAC) y Javier Fernández (PSOE) salieron elexíos pol Parllamentu.
 
Xunto al nomamientu de los dos senadores, tamién tuvo llugar la eleición de los trés miembros del Conseyu d’Alministración d’Hunosa como vocales que correspuende proponer a la Xunta Xeneral. Nesti casu, los representantes son Enrique Lanza (FAC), José Ángel Fernández Villa (PSOE) y Teresa Mallada (PP), quedando fuera del conseyu per primer vez na so historia Izquierda Xunida.
 
Tamién na primera parte de la sesión aprobáronse por asentimientu’l dictame de la Comisión de Reglamentu sobre incompatibilidaes de los Diputados de la Xunta Xeneral, y el d’incompatibilidaes de los dos Senadores que correspuende designar a la Cámara.