Marcos Vallaure ye'l nuevu Conseyeru de Cultura

Álvarez-Cascos ta acabante asoleyar el so nuevu gobiernu  que va tener 9 conseyeríes. El conseyeru de cultura y espor, Emilio Marcos Vallaure (Cayés, 1941), ye'l director del Muséu de Belles Artes y miembru d'honor de la Fundación Caveda y Nava. Ta consideráu sensible pa cola normalización de la llingua.

El restu del Gobiernu  que ta acabante anunciar el presidente d'Asturies, tres de la so escoyeta colos 16 votos del so grupu y les 29 abstenciones del restu, queda asina:
- Presidencia: Florentino Alonso Piñón.
- Facienda: Ramón del Riego.
- Economía: José Manuel Rivero Iglesias.
- Bienestar: Paloma Menéndez.
- Educación: Ana Isabel Álvarez.
- Agricultura: Álvaro Longo.
- Fomentu y Mediu Ambiente: María Isabel Marqués García.