Álvarez-Cascos va ser presidente’l vienres tres nun algamar l’apoyu de la mayoría del Parllamentu

L’aproclamación de Francisco Álvarez-Cascos como presidente d’Asturies va tener llugar el vienres. Na votación de la segunda sesión del Plenu d’Investidura’l candidatu de FAC nun algamó l’apoyu de la mayoría absoluta de la Xunta Xeneral.
 
El vienres, como indica'l reglamentu de la Cámara asturiana, va ser suficiente una mayoría simple pa qu’Álvarez-Cascos sía presidente del país polo que, al nun haber más candidatos, los 16 votos de Foro Asturias Ciudadano (FAC) van ser suficientes. La votación va celebrase a les 10 hores na Xunta Xeneral.
 
Na sesión de güei, 16 diputaos –toos los de FAC– votaron a favor de Francisco Álvarez-Cascos, mentes que’l restu de parllamentarios del PSOE, PP y IX-LV –un total de 29 ente les trés fuercies– astuviéronse ante la imposibilidá de votar en contra al nun haber más candidatures.