El Gobiernu d’Álvarez-Cascos va decidir sobre la cesión del Niemeyer

El Conseyu de Gobiernu en funciones acordó esti martes que sía’l Gobiernu entrante’l que decida sobre la cesión d’usu del Centru Niemeyer. L’Executivu d’Areces dispuso n’avientu qu’ésta fuera pa la Fundación que lu lleva anguaño.
 
En concreto, l’añu pasáu aprobóse un conveniu ente la Conseyería de Cultura y la Fundación Centru Cultural Internacional Oscar Niemeyer d'Asturies, en virtú de la que Cultura obligábase a promover nel plazu de tiempu más breve posible'l procedimientu alministrativu necesariu pa que'l Conseyu de Gobiernu pudiera acordar la cesión d'usu del conxuntu inmobiliariu. N'execución del conveniu citáu, esta conseyería solicitó a la d'Economía y Facienda –competente por razón de la materia–, l'entamu del procedimientu alministrativu pa la cesión, qu'informa de manera favorable con fecha del 24 de xunu.
 
La selmana pasada, l’Executivu dio a conocer la cesión por error, pa depués aplazar la decisión definitiva hasta güei. El Gobiernu saliente considera procedente, por razones de llealtá institucional, dexar esti alcuerdu para que lu adopte'l Gobiernu surdíu del procesu eleutoral de mayu.