La Guardia Civil entama esta selmana una campaña de prevención del alcohol al volante

Los conductores asturianos van percibir esta selmana un aumentu de los controles d’alcoholemia. La Guardia Civil y la Direición Xeneral de Tráficu entamen una campaña de prevención del alcohol al volante pa reducir la siniestralidá.
 
D’esta forma, dende’l llunes y hasta’l domingu van doblase los controles d’alcoholemia nes carreteres del país, pa lo que la Guardia Civil va facer usu de más de 200 axentes. Estos Puntos de Verificación d’Alcoholemies van desarrollase de manera principal n’horarios poco habituales, emprestando una atención especial a la franxa horaria que va de les 15 a les 17 hores.
 
A nivel estatal, la DXT preve que’l númberu controles diarios fechos pola Guardia Civil de Tráficu sía de 20.000. Amás, solicitó a los ayuntamientos de más de 25.000 habitantes que collabores nesta campaña de prevención del alcohol al volante. Otra manera, nos controles previstos esta selmana van participar persones que sufrieron accidentes de tráficu pa concienciar a los conductores de los peligros d’alcohol a la hora de conducir.