Carmen Rúa, ex conceyala de Política Llingüística de Xixón, muerre a los 58 años

Un cáncanu finó esti sábadu cola vida de Carmen Rúa, conceyala d’Educación, Pueblu d’Asturies y Política Llingüística del 2003 al 2007. El funeral pola profesora del colexu Los Campos va celebrase’l llunes, a les 18 hores, en San Pedru.
 
Carmen Rúa, que dexó la militanciá d’Izquierda Xunida l’añu pasáu pa ingresar na FSA-PSOE, llevó los asuntos de Política Llingüística na llexislatura 2003-2007, tiempu nel que Bloque por Asturies tamién taba nel gobiernu municipal. Llueu fixo llabores d’asesora na conceyalía de Cooperación Internacional, Cultura Asturiana y Promoción Llingüística, tamién en manes d’IX-BA-LV.
 
 “Nel so recuerdu va quedar la so llucha y solidaridá, tanto nos años como conceyala como nel colexu, onde mostró siempre preocupación y ocupación por families y estudiantes, buscando siempre la integración de los más desfavorecíos”, señalaron los sos compañeros de Los Campos. Mentes, l’alcaldesa de Xixón, Carmen Moriyón, y tol so equipu llamentaron la muerte de Rúa al traviés d’un comunicáu.