El PP avisa de que va astenese na votación del Plenu d’Investidura

El Comité Executivu del PP asturianu aseguró esti vienres que nun va presentar candidatu y que va astenese na votación pa escoyer al presidente próximu d’Asturies. El 93,75 por cientu de los miembros d’esti órganu apoyó esta decisión.
 
D’esta forma, Francisco Álvarez-Cascos, presidente de Foro Asturias Ciudadano (FAC), sucedería a Vicente Álvarez Areces nel cargu el vienres, día 15, por mayoría simple y debería afrontar un Gobiernu en minoría. Sicasí, dende’l PP puntualizaron qu’esta diba ser la postura de los diputaos populares si “persiste l’actitú d’Álvarez-Cascos”.
 
La tercer fuercia política d’Asturies anguaño, nun comunicáu emitíu tres la xunta ordinaria del Comité Executivu, recordó que'l presidente de Foru Asturies “yá refugó'l pasáu 14 de xunu los votos del PP pa la so investidura y tamién refugó'l 4 de xunetu un pautu de Gobiernu que supondría un gobiernu fuerte y estable na rexón”. “El resultáu del 22 de mayu nun otorgó mayoríes bastantes a nenguna formación política”, por ello los populares certificaron “el deséu de que se conformenmayoríes estables” nesti contestu de crisis económica. “La meyor manera de solucionar los problemes de los asturianos ye dende gobiernos estables n'Asturies y nel restu d'instituciones”, demanden los populares.