Francisco Fernández Álvarez llevóse’l XII Concursu de Gaiteros y Gaiteres Mozos de Bimenes

El maliayu Francisco Fernández Álvarez foi’l ganador del XII Concursu de Gaiteros y Gaiteres Mozos de Bimenes que tuvo llugar el sábadu en Bimenes. Esti certame celebróse nel día grande de la XV Fiesta de la Oficialidá Asturiana.
 
Fernández Álvarez proclamóse ganador d’esti concursu pa menores de 21 años tres tener una destacada actuación na Casa Cultura de Santayuno frente a gaiteros y gaiteres d’un nivel altu que dexaron una papeleta complicada al xuráu formáu por los mayestros gaiteros José Ramón García Navia, Eugenio Otero Vega y José Luis García Díaz. El maliayu al final foi merecedor del primer premiu, valoráu en 300 euros y un trofeú. Mentes, el segundu clasificácu del certame foi’l sierense Álvaro Álvarez Fernández, que ganó 200 euros y un troféu, y el terceru, Fernando Vázquez Cárcaba, tamién de Siero, que recibió un premiu de 100 euros más troféu.
 
Otra manera, esta tarde va pesllar la esposición de los trabayos participantes nel VII Concursu de Cómic n’Asturianu de la Mancomunidá de la Sidra, actividá primera y cabera del XV Fiesta de la Oficialidá de la Llingua Asturiana.