Conceyu Abiertu por Uviéu celebra un aconceyamientu en La Lila

Esti vienres, a les 19 hores, ta convocáu un conceyu abiertu pola formación uviedina del mesmu nome. L’actu, abiertu a tolos uviedinos y uviedines, va celebrase a les 19 hores nel salón d’actos del Cibercentru de La Lila.
 
L’oxetivu d’esti aconceyamientu ye atopar soluciones ente tolos ciudadanos pa finar “col déficit democráticu” que vive Uviéu dende va décades “frutu de les polítiques caciquiles ya favoratibles a intereses ayenos al pueblu desendolcaes polos distintos gobiernos, n’especial el del PP con Gabino de Lorenzo a la tiesta, por ser el que más años lleva na poltrona”, aseguren dende Conceyu Abiertu por Uviéu. Asina, dende esta formación recuerden “les privatizaciones de servicios básicos y clave nel bienestar del pueblu uviedín –basoria, llimpieza, instalaciones deportives, tresporte municipal, agua, etc.–, l’amiguismu, el clientelismu y la mala xestión económica cola complicidá de fuercies que se dicen ‘de la oposición’”.
 
Dende Conceyu Abiertu por Uviéu encamienten “a toos y toes a acudir y principiar una dinámica participativa y de democracia direuta que fine col gobiernu ‘pal pueblu, ensin el pueblu’ y qu’entame con un modelu de conceyu ‘del pueblu, pal pueblu’ nel nuesu y nel restu de conceyos d’Asturies”.