El Partido Popular consigue la presidencia de la Mesa de la Xunta Xeneral colos votos del PSOE

El popular Fernando Goñi ye’l presidente nuevu de la Xunta Xeneral gracies a los votos del PSOE, que quixo evitar que FAC tuviera’l control de la Cámara y del Gobiernu. IX-LV queda ensin representación na Mesa.
 
Xunto a Goñi tamién se presentaron pa esti cargu Jesús Iglesias, por IX-LV, y Enrique Álvarez Sostres, por Foro Asturias Ciudadano (FAC). El PSOE dio’l so apoyu al popular pa evitar “un mal mayor”, en pallabres de Fernando Lastra. El diputáu ‘socialista’ comentó que’l PP negóse “por activa y por pasiva” a apoyar un candidatu d’izquierdes y reiteró que la so formación nun cree conveniente que la Cámara tea gobernada pol mesmu partíu que va tar al frente del Executivu.
 
L’alcuerdu ente PP y PSOE permite a les ‘socialistes’ quedar cola vicepresidencia primera y la secretaría primera de la Mesa de la Cámara, mentes que FAC va tener la vicepresidencia segunda y la secretaría segunda, y IX-LV queda fuera. El PP consigue asina la presidencia del Parllamentu asturianu tras 12 años de xerencia socialista na persona de María Jesús Álvarez pese a nun algamar un pautu con Foro Asturias qu’incluyera un alcuerdou de llexislatura.