Xixón celebra’l Día Internacional del Idioma Maternu

Esti xueves 19 de febreru va celebráse’l Día Internacional del Idioma Maternu entamáu pola Oficina Municipal de la Llingua del Conceyu de Xixón, y nel que collabora’l Colexu Públicu Rei Pelayo. L’actu va consistir na llectura d'un testu en distintes llingües, la presentación de la esposición del llibru "Les coses que-y presten a Fran" de Berta Piñán y el xuegu musical "Cómo nos canta la llingua".

Nel actu, que tendrá llugar nel citáu colexu a les 10:45 de la mañana, tarán presentes l'asesora de la Conceyalía de Cooperación Internacional, Cultura Asturiana y Política Llingüística, Carmen Rúa Morán , la Responsable de la Oficina Municipal de la Llingua, Mª Xosé Rodríguez López,  amás de la direición  del C.P. Los Campos.