Amnistía Internacional celebra’l so 50 aniversariu con una milla solidaria n’Uviéu

Esti domingu va celebrase n’Uviéu una milla solidaria con salida en Master Sport y legada en Gascona. D’esta forma, la seición asturiana del coleutivu pretende festexar el 50 aniversariu d’esti movimientu fundáu por Peter Benenson.
 
El percorríu previstu per Uviéu, d’una milla de llargor (1.600 metros), ta pensao pa que participen nesta carrera solidaria neños pequeños, adultos en baxa forma y xente mayor. La milla va principiar a les 11 hores en Master Sport (cai Matemáticu Pedrayes 15) y va arrodiar el Campu San Franciscu pa llegar a hasta la plaza del aparcamientu del Vasco, enfrente de la sede de Amnistía Internacional Asturies.
 
Ehí, a les 11.30 hores, va desarrollase una folixa pa celebrar l’aniversariu d’esti movimientu que llucha pol respetu a los derechos humanos en tol mundu. Los voluntarios d’Amnistía Internacional van facer una recoyida de firmes y van soltar 50 globos, ún por cada añu de vida d’esta organizanción non gubernamental internacional. Les inscripciones pa participar na milla solidaria van poder facese en Master Sport hasta una hora enantes de la salida. Éstes son de baldre.