Asturianistes por Nava algama l’alcaldía del conceyu

13 Xunu, 2011 por Pablo R. Guardado

Inicie sesión o rexístrese pa espublizar comentarios

Emilio Ballesteros, d’Asturianistes por Nava-Compromisu por Asturies, ye l’alcalde nuevu de Nava en sustitución de Carlos Escobio (PSOE). Los votos de FAC y PP permitieron a los asturianistes algamar l’alcaldía.

D’esta forma, Asturianistes por Nava, que collabora col Bloque por Asturies-UNA, conviértese na única candidatura asturianista que consigue facese con una alcaldía tres les eleiciones del 22 de mayu. Ballesteros, díes depués de les eleiciones, señalaba a Asturies.com que nun diba tener nengún problema en falar coles otres trés formaciones con representación (PSOE, FAC y PP), anque “lo normal ye que gobierne’l PSOE en minoría”. A última hora, FAC y PP decidieron dar el so apoyu a Ballesteros pa camudar el collor de la Casa Conceyu, que venía d’una mayoría absoluta ‘socialista’, y l’asturianista va encargase de formar gobiernu.

La formación asturianista llocal foi la segunda fuercia más votada nes eleiciones al sumar 723 (22,04 por cientu) y algamar trés conceyales. Mentes, el PSOE consiguió cinco al rexistrar 1.114 votos (33,96 por cientu); FAC, trés al tener 621 apoyos (18,93 por cientu); y el PP dos, con 603 votos (18,38 por cientu).

Comentarios

pachu wrote on 13 Xunu, 2011:

Norabona ALCALDE!!! i bon trabayu pol conceyu navetu.Pa recoxer bona coseya hai que sembrar bona semiente i facer tou i pa toos el trabayu debiu!!!
Non dexe'd trabayar lo mesmu pola LLINGUA que, fai muncha falta.El branu pasau en Xixon falando con una moza naveta,fixi-y una entruga" si el chorizu tenia ayu" e dimi que iso'd ayu?Ento yo dixi-y en castellan ye Ajo!! Ella dixome a!! aju dicimos lo navetos que ,somos mas finos!!!!
Que col so trabayu non se repita dalgo asina mas!!!Que los navetos seyan perorgullosos de falar n'aturianu,que nengun ye mas finu por falar el castellan....Poro si mas cultu, si fala la so LLINGUA!!!