El CUPA y l’ALLA entreguen esti miércoles los diplomes del so primer cursu d’asturianu conxuntu

Más de venti persones participaron nel primer cursu conxuntu entamáu pol Conceyu Universitariu pol Asturianu (CUPA) y pola Academia de la Llingua Asturiana (ALLA). Esti miércoles, a les 20 hores, van entregase los diplomes nun actu en Xixón.
 
El sitiu escoyíu pa celebrar l’actu ye’l mesmu nel que tuvo llugar el cursu: el Conseyu de la Mocedá de Xixón. Nél van tar presentes tolos alumnos y profesores, amás d’un representate de l’ALLA que va encargase de repartir los diplomes. Tamién ta previsto facer una semeya de grupu pa recuerdu de tolos participantes nel I Cursu Básicu d’Asturianu de CUPA, que tuvo financiación de Caxa Rural.
 
Les persones que fixeren esti cursu de 35 hores llectives que buscaba dar una conocencia básica y adaptada al nivel del alumnáu de la llingua asturiana, amás de tratar cuestiones rellacionaes cola sociollingüística y la cultura asturianes, yeren de Xixón, Uviéu, Corvera, Avilés, Catalunya y Brasil. Estos alumnos y alumnes, estudiantes y profesionales de dellos sectores, tamién pudieron disfrutar demientres el cursu d’una charra informativa sobre software llibre impartida por xente del coleutivu Softastur.