Sánchez Ramos 'Rivi': “El mio teléfonu ta siempre abiertu pa poner un alcalde y quitar un cacique”

Roberto Sánchez Ramos ‘Rivi’, conceyal d’ "Oviedo por la Izquierda" na llexislatura próxima, aseguró que “el mio teléfonu ta siempre abiertu pa poner un alcalde y quitar un cacique”. La so formación algamó tres conceyales nes eleiciones uviedines.
 
La persona que llideró la candidatura d’Izquierda Xunida-Los Verdes d’Asturies (IX-LV) baxo la marca eleutoral Oviedo por la Izquierda, refirióse a la irrupción de Foro Asturias Ciudadano (FAC) como una realidá que yera bultable na opinión pública, anque non na “publicada”. Al so xuiciu, la perda de la mayoría absoluta pol grupu municipal popular supunxo “el fin d'una época y d'un gobiernu agotáu”.
 
“Agora PP y FAC tienen qu'esclarase”, encamentó, enantes de precisar que “votar un alcalde que nun fuera De Lorenzo sería una midida d'hixene democrática”, continuó Rivi, qu’aseguro que “Roberto empréstase a lliderar los proyeutos del Uviéu nuevu que precisamos”.