Pelayo Roces: “Los asuntos d’Asturies van resolvese n’Asturies”

FAC nun va negociar col PP estatal como queríen los populares. Pelayo Roces, diputáu nuevu por Foro, aseguró que nun son “una sucursual de naide” y que “los asuntos d’Asturies van resolvese “n’Asturies y non n’otru sitiu”.
 
Roces retrucó d’esta forma a informaciones espublizess n’Europa Press na que fontes populares señalaben que la direción estatal del Partido Popular (PP) sería la encargada de negociar col llíder de Foro Asturias Ciudadano (FAC), Francisco Álvarez-Cascos, un alcuerdu posible n’Asturies ente PP y FAC. L’ex diputáu popular señaló que Foro Asturias  “ye un partíu que respeta de manera escrupulosa los sos órganos” y qu'hasta’l miércoles nun va reunir a la so executiva.
 
Les supuestes negociaciones, según estes fontes, tamién incluiríen negociaciones sobre les alcaldíes d’Uviéu y de Xixón, onde les dos formaciones sumen el númberu suficiente de conceyales pa pautar.