El PSOE podría perder per primer vez l’alcaldía de Xixón dende la llegada de la democracia

Pese a resultar la formación más votada, el PSOE podría perder l’alcaldía de Xixón que mantién dende hai 32 años si la derecha pauta p’algamar el gobiernu municipal. Santiago Martínez Argüelles, candidatu ‘socialista’ a sustituir a Paz Fernández Felgueroso, sumó un total 47.583 votos, lo que supón un 31,56 por cientu del total, pa conseguir diez conceyales. La meyora del resultáu d’IX-LV, que pasa de dos conceyales a tener trés al sumar 15.897 votos (10,55 por cientu), nun da una suma suficiente a la izquierda pa impedir un pautu ente PP y FAC, que xunten 14 sillones ente los dos.

La segunda fuercia más votada foi la de Carmen Moriyón, con 9 conceyales al sumar 42.680 votos (28,31 por cientu), mentes que la popular Pilar Fernández Pardo se queda con cinco, siete menos que nel 2011, al algamar 28.253 votos (18,74). Nun consiguen representación na Casa Conceyu, UPyD (4,08), Los Verdes-Grupo Verde (0,88) y Bloque por Asturies-UNA (0,87), sétima formación en númberu de votos al sumar 1.319. Pela so parte, CUPX llegó a los 730 votos (0,48) y Unión URAS-PAS, a los 701 (0,47).