FAC ye la segunda fuercia más votada n’Uviéu, onde’l PP pierde la mayoría absoluta

Col recuentu de votos yá termináu, Gabino de Lorenzo pierde la mayoría absoluta al algamar 11 conceyales, seis menos que nel 2007. El PP uviedín sumó 39.736 votos, lo que supón un 33,79 por cientu del total, mentes que FAC foi la segunda fuercia más votada con 24.314 (20,67 por cientu), lo que-y da siete conceyales.
 
Tamién tienen representación na Casa Conceyu’l PSOE, con seis conceyales al sumar 23.886 votos (20,31 por cientu) y Oviedo por la Izquierda –marca eleutoral cola que se presentó Izquierda Xunida– con trés al algamar 13.394 votos (11,39 por cientu). Bloque por Asturies-UNA foi la novena fuercia más votada con 821 votos (0,70 por cientu) tres UPyD (3,91); ASCIZ-Frente de la Izquierda (3,18), que pierde’l so conceyal; e Ideas (1,60). Unión URAS-PAS tuvo que conformase con 353 (0,30) y Conceyu Abiertu, con 290 (0,25).