Álvarez-Cascos: “Norabona al pueblu asturianu”

Francisco Álvarez-Cascos, candidatu de Foro Asturias Ciudadano (FAC), ganador virtual de les eleiciones n’Asturies, entamó la so intervención ante la prensa y militancia nel Hotel Regente d’Uviéu dando la “norabona al pueblu asturianu”. “Gracies pol suañu cumplíu”, señaló, pa depués dicir que ye “Asturies la que ganó”.
 
Pal ex ministru de Fomentu, el trunfu del so partíu ye “un puntu de partida pa llograr una sociedá distinta”. Nesi sen, tamién se mostró abiertu a contar cola collaboración de más xente pa siguir trabayando y que los asturianos “se sientan arguyosos del so país”. Tres la so intervención, Álvarez-Cascos treslladóse al Hotel Tryp Oviedo, onde la militancia ta celebrando’l trunfu nes eleiciones.