El Conceyu de Ribeseya convoca’l II Premiu Arbidel de Cuentos Eróticos

El conceyal de Cultura ribeseyanu, Juan A. González Martino, ta acabante de presentar les bases qu’han rexir la segunda edición del premiu Arbidel pa cuentos de temática erótica escritos dafechu n’asturianu. El plazu de presentación d’orixinales va tar abiertu hasta’l 15 d’abril.

Esti premiu lliterariu n’asturianu llega a la so segunda edición afitando dos premios, un primeru de 1.200 euros y un segundu de 500 euros pa cuentos de temática erótica con un llargor superior a les 8 fueyes. L’añu pasáu algamó’l primer premiu Xosé Nel Riesgo col cuentu “De bandera”, mientres que’l segundu fue pa David Rivas col relatu “Boedica y Doña Nuria”.

Asturies.com ufre a los sos llectores la posibilidá de descargar les bases completes d’esti premiu nel archivu adxuntu a la noticia (pdf).