Una iniciativa ciudadana llama a salir a la cai a la xente descontento pola situación actual

Esti domingu va celebrase una manifestación n’Uviéu convocada pola plataforma ‘Democracia real yá Asturies’ pa mostrar el so descontentu cola situación actual. Trátase d’una iniciativa ciudadana alloñada d’intereses políticos y sindicales.
 
El movimientu ‘Democracia real’, que nació al traviés de les redes sociales, tien convocaes manifestaciones en mediu centenar de ciudaes de tol Estáu baxo’l lema ‘Ye hora de cambiar les regles del xuegu. Nun somos mercancía nes manes de políticos y banqueros’. L’oxetivu ye sacar a la cai a la xente descontento pola situación actual y busca asemeyase a otros movimientos similares que llograron convocar a miles de persones en países como Portugal, Reinu Xuníu, Barhein o Islandia, por citar unos poques.
 
La manifestación va salir de la plaza la Escandalera a les 18 hores y facer un percorríu peles casi d’Uviéu pa finar la protesta na plaza d’España. Los organizadores, persones anónimes que quieren alloñase d’intereses políticos y sindicales, animen a participar nella a tol mundu que quiera tomar la cai pa mostrar la so indignación.