Cultura destina 935.100 euros a la subvención de proyeutos qu’usen l’asturianu o gallego-asturiano

La Conseyería de Cultura y Turismu dio anuncia de que la cantidá total de subvenciones pa proyeutos qu’usen l’asturianu o gallego-asturianu va ser de 935.100 euros. Esta cifra se divide en tres llinies grandes de subvención.
 
El destín d’estes ayudes concedíes pol Gobiernu d’Asturies tien como oxetivu apoyar “les iniciatives municipales, empresariales, asociatives o particulares qu’impulsen del asturianu y gallego-asturiano, consolidando asina la so condición de vehículo de expresión”, según señalen dende la conseyería nuna nota. Asina, la primer gran llinia de subvención ta destinada a les entidaes llocales “pa financiar proyeutos y actividaes de les entidaes llocales encaminados a la normalización social” de les dos llingües, convocatoria que cuenta con 166.500 euros.
 
Mentes, les subvenciones pa la espublización de llibros van ser de 189.000 euros. Estes perres tán abiertes a les empreses editoriales y tienen como oxetivu “ampliar el círculu de llectores y l’ámbitu de difusión de la literatura asturiana”. La partida mayor va ser la de subvenciones pa la normalización social del asturianu y del gallego-asturiano, a la que Cultura destina 644.000 euros “repartíos en delles llinies qu’apoyen la presencia social del idioma en dellos ámbitos: la edición musical; la producción cinematográfica y de videu; los estudios o trabayos d’investigación; les actividades d’asociaciones y empreses privaes; o la producción de espacios periodísticos. El plazo pa presentar proyeutos a estes llinies de subvención va tar abiertu hasta’l 30 de mayu.