Villaviciosa súmase a la celebración de la Selmana de les Lletres con teatru y un recital de poesía

El Teatro Riera de Villaviciosa va acoyer dos actividaes con motivu de la XXXII Selmana de les Lletres Asturianes. La obra de teatru 'Tuxa' va protagonizar la xornada del miércoles, mentes que pal xueves ta previstu un recital de poesía.
 
L’área de Cultura del Conceyu de Villaviciosa, xunto cola Conseyería de Cultura y Turismu y el Serviciu de Normalización Llingüística de la Mancomunidá de la Sidra quieren asina sumase a les actividaes que se desarrollen pel país alredor de la llingua asturiana na Selmana de les Lletres. Pa esta tarde, a les 20 hores, el Teatro Riera va acoyer la representación de la obra ‘Tuxa’ por parte de Teatro Contraste. Ésta ye un homenaxe a la vida y obra de la escritora María Teresa Villaverde (Tornón, 1882-1934) y ta dirixida a un públicu mozu y adultu.
 
Mentes, mañana, a la mesma hora, ta previstu un recital musicáu de poesía asturiana nel que van participar los poetes J. I. Pidal Montes, Sofía Castañón y Rubén d'Areñes, acompañados por Dani García de la Cuesta. La entrada pa les dos actuaciones programaes nel Riera ye llibre.