Conceyu Abiertu presenta candidatures a la Xunta Xeneral y a nueve conceyos del país

La candidatura d’unidá popular Conceyu Abiertu formalizó les sos candidatures a nueves conceyos y a la Xunta Xeneral. Mariu Arbesú va pela circunscripción central; Antón Fuertes, pela occidental; y Daniel Cueli, pela oriental.
 
No que respeuta a les candidatures municipales, Conceyu Abiertu consiguió sacar llista n’Uviéu (con Rafael Trabanco como cabezaleru), Grau (Fernando Romero), Siero (David Fernández), Llangréu (Paloma García), Samartín del Rei Aurelio (Xulio Llaneza), Mieres (Paula Martín) y Villaviciosa (Xandru Vega). Mentes, en Xixón, la formación nacionalista va integrada dientro de la coalición Conceyu d’Unidá Popular de Xixón, xunto a Izquierda Anticapitalista, Frente de la Izquierda y independientes. Javier Cubero, representante de Conceyu Abiertu na candidatura, ocupa’l númberu trés.
 
El conceyu que completa la llista de nueve municipios onde les sigles de Conceyu Abiertu van tar presentes ye Noreña, onde va presentase baxo la figura d’una agrupación d’eleutores que tien por nome Conceyu Abiertu por Noreña y de la que ye cabezaleru Pablo Pérez.