Nel auditoriu municipal de Casa das Quintas, n’A Caridá, a partir de les 20 hores.
En primer llugar, va entregase'l premiu a la ganadora de la edición del 2010, Alba González Fernández, pol so relatu ‘Hiperhidrosis’.
Tres esti actu, va presentase'l llibru ‘Máis lletras novas’, que recueye los últimos diez cuentos ganadores del Premio Xeira y que coediten esti coleutivu y la Conseyería de Cultura y Turismu; y el tercer númberu de ‘Trabatel. Revista eonaviega de lliteratura’, qu’edita la conseyería y qu’inclúi prosa y poesía, amás de les reseñes de les publicaciones últimes en gallego-asturiano.
Va zarrar l'actu una actuación músical de los Hermanos Valle Roso y el pianista Xaime Arias, que van interpretar poemes musicaos y tornaos al gallego-asturiano d’autores como Lorca, Goytisolo o Miguel Hernández, ente otros.