El númberu de pasaxeros del Aeropuertu d’Asturies medró un 12 por cientu nel primer trimestre

L’Aeropuertu d’Asturies recibió 307.773 pasaxeros nos tres meses primeros del añu. Ello supón una xuba del 12 por cientu en comparanza colos datos del añu anterior. Tamién medró’l númberu d’aterrizaxes y despegues: un 19,8 por cientu.
 
En total, el númberu de salíes y llegaes d’aviones a la instalación asturiana foi 4.051, según los datos d’Aena. Amás, los usuarios de vuelos nacionales aumentaron un 11,7 por cientu, mentes que los de trayeutos internacionales medraron un 14,9 por cientu.
 
No que respeuta a los datos de marzu, l’Aeropuertu d’Asturies tuvo 123.915 pasaxeros, un 13,5 por cientu más que nel mesmu mes del añu anterior. Nel tercer mes del añu, la instalación recibió un total de 1.484 operaciones d’aterrizaxes y despegues, lo que supón un 15,9 por cientu.