Dos accidentes llaborales mortales y 13 graves, balance de los trés meses primeros del añu

Asturies tuvo nos trés meses primeros del años dos accidentes llaborales mortales y 13 graves. Ello supón un descensu de la siniestralidá del 14 por cientu en relación col mesmu periodu del añu pasáu.
 
D’estos 13 accidentes graves, ocho foron por patoloxíes traumátiques; cuatro, por patoloxíes non traumátiques –infartos y similares–; y ún, por un accidente de tráficu nun desplazamiento de trabayu. Mentes, no que respeuta a los mortales, estos produxéronse por patoloxíes traumátiques, según los datos del Institutu Asturianu de Prevención de Riesgos Llaborales. L’informe remitíu por esti organismu, señala que, dende’l 1 de xineru al 31 de marzu rexistráronse n’Asturies un total de 2.272 accidentes llaborales, de los que 1.698 afeutaron a homes y 574, a muyeres.
 
Por seutores, el de los servicios concentró nesti primer trimestre el mayor númberu de siniestros, con 1.022 incidentes; siguíu del seutor industrial, con 803 accidentes; el de la construcción, con 353 siniestros; y el primariu, con 94.