L'Autovía Minera va sufrir cortes de tráficu nes tres nueches próximes

Les nueches de los díes 6, 7 y 8 d’abril, l’Autovía Minera (AS-I) va sufrir cortes nel tramu que va de Bendición a La Madera. Éstos van principiar a les 23 hores y van allargase hasta les 7 hores del día siguiente.

La razón d’estos cortes ye la construcción del enllaz de l’AS-I a l’altura de La Pola Siero. Estos trabayos van obligar a desviar el tráficu de l’autovía pela carretera vieya que xune Xixón y Llangréu (AS-246).
 
Dende la Conseyería de Mediu Ambiente, Ordenación del Territoriu y Infraestructures, señalen que tolos desvíos van tar señalizaos de manera correuta. Los cortes de l’Autovía Minero son totales por mor d’estos trabayos pa enllazar la Minera cola l’autovía que xune Uviéu y Villaviciosa.