CO OO y Bloque por Asturies-UNA alerten de la posibilidá de privatizaciones tres les eleiciones

Antonio Pino, secretariu xeneral de CO OO, y Rafael Palacios, candidatu a la presidencia d’Asturies pol Bloque-UNA, tuvieron esti miércoles un alcuentru. Dambos coincidieron n’alertar sobre la posibilidá de privatizaciones tres les eleiciones.
 
Na so intervención, Pino se refirió al PP y a Foro por Asturias (FAC) porque “asusta la so apuesta pola  privatización d’entes importantes y servicios públicos de la comunidá autónoma”, lo que lu llevó a mostrar el so deséu de que nes eleiciones próximes gane “la izquierda plural”. Mentes, Palacio metió nel mesmu sacu al Gobiernu actual, al qu’acusó de facer un “procesu d’esmantelamiento de la escuela y de la sanidá públiques, que n’actualidá son un referente fuera d’Asturies y tenemos que defendeles”.
 
Los dos representates de CC OO y Bloque por Asturies-Unidá Nacionalista Asturiana (UNA) coincidieron en mostrar el so esmolecimientu pola situación económica y social d’Asturies, y criticaron los modelos de planificación económica, de manera especial el “fracasu” nes polítiques de reindustrialización de les cuenques mineres. Nesi sen, Palacios refugó’l “clientelismu y la falta de control” qu’hubo colos fondos mineros. El cabezaleru de la candidatura Bloque-UNA a la Xunta Xeneral comprometióse a estudiar les propuestas del sindicatu, que tamién faen referencia a la vertebración social, la meyora de les polítiques d’emplegu y la necesidá de poner en marcha un plan enerxéticu y otru d’industrialización.